اكتشف\ي معنا هل انت\ي مرجوج\ه ولا لا؟؟ ^^

هلا إلى كل المرجوجين و المرجوجات..... ^_^
....إلى كل من يتوقع أنه مرجوج....
....إلى من يشك فيه شوية من الرجاجه....
....إلي يستنى رجه وما صارة له....
...إلى يحلم بالرجه ..و ما تحققة رجته.....
..إليكم يا أعضاء المنتدى المرجوجين و الغير مرجوجين....

هل أنت مرجوج ؟

وإذا كنت كذالك .. ماهو مستوى رجتك ؟

للإجابة على هذه الأسئلة ماعليك سوى اجراء هذا الاختبار النفسي ..

السؤال الأول :

انت توك قايم من النوم وطفشاااان ووااااصلة معك .. قمت تغسل وجهك وتفاجأت بنملة تبي تدخل خشمك .. ما هي ردة فعلك :

1- تمسك النملة وتفعصها بإصبعيك وأنت تكركر ومستانس و تقول : والله يا أنتي نملة منسمة تبين تخترقيني .. هع هع هااااااي .. بس على مين أنا أبو جلمبو والأجر على الله .
2- توخر النملة عن وجهك و تنتفها وانت تشتمها .

3 - تخلي النملة تدخل خشمك .

السؤال الثاني :

رااااجع من المدرسة أو الكلية او العمل .. المهم وتلقى الواااالدة سرحانة في الصالة تفكر وش تصلح بكرة إذا بغت تسير في الضحى على أم صويلح .. ماذا تفعل :

1- تسوي نفسك تعباااان وتصرخ وتمسك قلبك كأن ذبحة قلبية جايتك وأنت تقول : الحقيني يمة قلبي .. قلبي .. ولما تنهبل أمك عليك وتبي تكلم أحد يجي يوديك المستشفى .. تقول لها : قلبي تولع في الكورنيش.. حب ورثته من الجدوووود
هع هااااااااااااااااااي والله تسحيبة يمة .

2- تجي بشويش من ورى أمك وهي سرحااانة وتصرخ في أذنها وتقول : مساااااتس الله بالخير .. وطبعاً هي بتنفجع وبتقول وجع الله يمسيك بعصا إن شاء الله .

3- تطلع غرفتك وماتسوي شيء

السؤال الثالث :

انت توك مقيل وماخذ لك قيلولة على كيف كيف مرت جيرانكم ونااازل الصالة إلا وتشوف

خواتك الصغااار عند سبيس تون طااايرة عيونهم .. ماذا تفعل :

1- تجي يعنني تكنس وتغطي عليهم التليفزيون >> أحلى يا أليسا

2- تجي يعنني بتشبك شاحن الجوال وتقوم تفصل فيش التليفزيون .. وتقول : أوه آسف .

3-تقعد تتفرج معهم.

السؤال الرابع والأخير :

بعد العشاء اشتهيت تويكس ونزلت تشتريه من البقالة ولقيت سيارة خويك عند باب البقالة :

1- تنسم كفراته الأربعة .

2- تسلم عليه وتلزم عليه يعزمك على العشاء .

3- تشتري له تويكس معك

النتيجة :

أعط نفسك لكل اجابة رقم واحد 3 درجات
ولك اجابة رقم 2 درجتين
ولكل اجابة رقم 3 درجة وحدة

9 - 12 :

أنت مرجوووج جداً ..

حالتك خطيرة .. وقد تتحول رجتك إلى هبااال رسمي .

الحل : خل امك تهمز راااسك بزيت سيارات ثمانين مرة بالثانية وإن شاء الله ماقدامك إلا

العافية .

5 -8

أنت مرجوج بس على نذااالة شوي ..

مستوى رجتك معقول لكن لا تستخف دمك كثير لأنك ستجيب العيد .

الحل : خل عنك النذالة .. ولازم تؤمن إنك تعاني من الدلاخة في مراحلها الأولى ..

كل عصفور قبل الغدا مرة في السنة .

4 - 5

يا أخي انت منتب في الدنيا .. ميت والناس حيين ..

انتبه على نفسك لأن أهلك احتمال ينسووووك إذا بغو يسافرون.

الحل : كورس رجة مكثف عند أعلام الرجة في المنتدى .

يالله يا أعضاء أكتبوا مستوى الرجه فيكم......

و إللي درجته من بين (4-5)....

لا تخاف/ تخافي.....

أحنا بنسوي مدرسه خصوصيه...علشان نتعلم الرجه....

واللي يطلع له 9-12 هو المدير
و هكذا يا مرجوجين ............أنتهى مطاف الرجه......

والسلام خير الختام ^^
صلي الله على رسول الله صلى الله علية وسلم ^^
[center]